Нүүр › Дотуур байр

Дотуур байр

▶ Тоглох

18+ · Амиа хорлолт, урвалтын сэдэв, гэнэт цочоох агшин, маш чанга дуу гарна. Насанд хүрээгүй хүүхэд, жирэмсэн болон зүрх судасны өвчтэй хүн тоглохыг хориглоно. Энэхүү тоглоом дээр гарах дүрүүд болон түүх нь бүгд зохиомол болно. Хэрэв танд хэцүү байгаа бол итгэдэг хүнтэйгээ ярилцаарай.

Дотуур байр

3DАймшигТүүх

Шөнийн нэг цаг, хуучин оюутны дотуур байр. Тэмүүлэн найз Анугийнхаа өрөөнөөс гараад нойл руу явна. Угаалтуурын урд нэг охин нуруугаа харуулан уйлж зогсоно. Тэр чамайг «Цолмон» гэж дуудна. Олон жилийн өмнө энэ байранд юу болсныг жижүүр мэддэг. Өрөвдөлтэй, аймшигтай түүхтэй аймшгийн тоглоом. Чихэвчтэй тоглоорой. Утсан дээр ч тоглож болно.

Тоглоомын тухай

Монголын олон сургууль, их сургуулийн дэргэд хуучин дотуур байр бий. Урт харанхуй коридор, нийтийн угаалгын өрөө, шөнийн жижүүр, хананы цаанаас сонсогдох чимээ... Ийм байранд олон жилийн өмнө болсон явдлын тухай түүхийг оюутнууд үеэс үед ярьж үлдээдэг.

«Дотуур байр» бол ийм нэгэн түүхэн дээр тулгуурласан, монгол хэлээр ярьдаг аймшгийн тоглоом. Энэ бол зөвхөн цочоох тухай биш, хайр, урвалт, гуниг, уучлалын тухай түүх. Та Тэмүүлэн болж шөнийн байрыг тойрон, Цолмон гэдэг охинд юу тохиолдсоныг аажмаар олж мэднэ. Тоглоомын дүр, үйл явдал бүгд зохиомол.

Зөвлөгөө

Чихэвчтэй тогло. Ус урсах, уйлах, алхах чимээ хаанаас гарч байгааг сонс.
E товчоор эргэн тойрныхоо зүйлсийг харж, хаалга онгойлго. Толь, хана, цонхонд анхаар.
Заримдаа бөхийж (C), чимээгүй байх хэрэгтэй болно.
Ялагдвал тэр хэсгийнхээ эхнээс дахин эхэлнэ, бүхнийг дахин тоглох шаардлагагүй.
Сэдэв нь танд хүнд санагдвал зогсоод амраарай.

Анхааруулгыг үл тоон тоглосноос үүдэн гарах хариуцлагыг бид хүлээхгүй болно.